Будалтын суурь буюу Primer-ийг ашиглах хэр чухал вэ?

"Будаг удаан тогтохгүй байна”, “Арьс хуурай харагдаад байна”, эсвэл “нүхжилт тодроод байна” гэх асуудал олон хүнд тулгардаг. Энэ бүхний цаана будалтын хамгийн чухал алхмуудын нэг болох primer буюу будалтын суурь дутуу байх тохиолдол элбэг.

Primer нь зөвхөн будалтыг удаан тогтоох зориулалттай биш. Харин арьсыг жигд болгож, будгийн харагдах байдлыг илүү цэвэр, мэргэжлийн түвшинд хүргэдэг “суурь бэлтгэл” юм.

Primer гэж юу вэ?

Primer бол нүүр будалтын өмнө хэрэглэдэг арьс бэлтгэх бүтээгдэхүүн юм. Түүний үндсэн үүрэг нь:

• Арьсны гадаргууг жигд болгох
• Нүхжилт болон жижиг үрчлээг бүдгэрүүлэх
• Тослог ялгаралтыг хянах
• Будалтыг илүү удаан тогтоох
• Foundation болон бусад бүтээгдэхүүний тогтоцыг сайжруулах

Өөрөөр хэлбэл, primer нь арьс болон нүүр будалтын бүтээгдэхүүний хооронд хамгаалалтын, тэнцвэржүүлэх давхарга үүсгэдэг.